ლონდონის "ჩელსის" მთავარი მწვრთნელი, ანდრე ვილაშ-ბოაში დარწმუნებულია, რომ ის არ შემცდარა იმ შემადგენლობის გამოყვანა მოედანზე, რომელიც "ნაპოლთან" დამარცხდა სტუმრად 3:1.

"ლურჯების" მწვრთნელს მიაჩნია, რომ მან აირჩია სწორი შემადგენლობა, მიუხედავად იმისა, რომ შეხვედრა მისთვის ცუდი ანგარიშით დასრულდა. შეგახსენებთ, რომ "არისტოკრატების" მენტორმა ნეაპოლურ კლუბთან თამაშში სათადარიგოთა სკამზე დასვა ისეთი გუნდის წამყვანი მოთამაშეები, რომლებიც ეშლი კოული, მაიკლ ესიენი, ფრენკ ლამპარდი და ფერნანდო ტორესი არიან.

"თქვენ შეგიძლიათ გამაკრიტიკოთ მე, მაგრამ მე ჩემი მოსაზრება მაქვს. მე საკმაოდ კარგი შემადგენლობა გამოვიყვანე იტალიაში მოედანზე და ძალიან ვარ გაკვირვებული, თუ რატომ დავმარცხდით ასეთი ანგარიშით, თუმცა რევანშის აღება და იგივე შედეგის გამეორება არ არის შეუძლებელი".

"მე ვესაუბრე ეშლის და ფრენკს. მათი გამოცდილებისა და გუნდში მათი პოპულარობის გათვალისწინებით, ისინი გრძნობენ, რომ შეეძლოთ თამაშის სხვანაირად წარმართვა. მე მესმის მათი, მაგრამ რას ვიზამთ - ეს კლუბის საწყისი ტაქტიკაა".

"ჩვენ ერთადერთი რამ გვაქვს გამოსასწორებელი - დაცვის შეცდომები. საჭიროა გამოვასწოროთ თამაში დაცვის ცენტრში და უფრო ეფექტურობა შევმატოთ მას. ამჟამად გუნდი თამაშობს ისეთი მცველის გარეშე, როგორიც ჯონი ტერია. მისი არ ყოფნის გამო კლუბმა ბევრი უაზრო გოლი გაუშვა".

"იმ შემთხვევაში, თუ გავიტანთ ორ ბურთს და გვექნება უპირატესობა ანგარიშში, ვითამაშებთ დაცვით ფეხბურთს, მაგრამ არა ისე, როგორც ნეაპოლში - ჩვენ ლონდონში უფრო ორგანიზებულად ვითამაშებთ". - განაცხადა პორტუგალიელმა სპეციალისტმა BBC-სთან.