ანდრე ვილაშ-ბოაშმა შესაძლოა ლონდონის "ჩელსი" დატოვოს...

გავიხსენოთ, რომ გუშინ "არისტოკრატები" დამარცხდნენ "ნაპოლთან", ანგარიშით 3:1 და ჩავარდა ჩემპიონთა ლიგიდან გამოვარდნის საშიშროების ქვეშ. ამავდროულად, "ჩელსიმ" ვერ დაამარცხა "ბირმინგემი" ინგლისის თასზე. ეს ნამდვილად საშინელი შედეგია, ამან კი პრესაში არეულობა გამოიწვია - გამოცემები სიტუაციის განვითარებას აკვირდებიან და მათ გაავრცელეს ინფორმაცია, რომელიც ანდრე ვილაშ-ბოაშის გადადგომას ეხება, მაგრამ, კლუბის ხელმძღვანელობა სრულად ენდობოდა პორტუგალიელ სპეციალისტსა და მის გადაწყვეტილებებს, თუმცა ახლა სიტუაცია აბსოლუტურად შეიცვალა.

ცნობილია, რომ რომან აბრამოვიჩი განიხილავს ვილაშ-ბოაშის შემცვლელთა კანდიდატურებს. როგორც აღმოჩნდა, მისთვის რაფაელ ბენიტესი ყველაზე რეალური კანდიდატია. სხვათა შორის, ბენიტესს ბევრი "სარგებელი" აქვს: მას აქვს გამოცდილება ინგლისში (ის წვრთნიდა "ლივერპულს" წლების განმავლობაში), იცის ინგლისური და რაც მთავარია, ნამუშევარი აქვს ფერნანდო ტორესთან, რომელიც უკვე დიდი ხანია, რაც არ არის სასურველ ფორმაში. გარდა ბენიტესისა, "ლურჯების" რუსი მფლობელი განიხილავს ასევე კიკე სანჩეს-ფლორესის კანდიდატურას, რომელმაც მადრიდის "ატლეტიკოს" ევროპის ლიგა მოაგებინა, მაგრამ, პრესის ცნობით, ბენიტესი მაინც პრემიერ ლიგური გუნდის მწვრთნელობის ყველაზე რეალური კანდიდატია.